Plantun de Prouvènço

Pèr coumpara dos planto d'encò nostre

Minuartia rupestris subsp. rupestris & Pinus mugo subsp. mugo

Minuartia rupestris subsp. rupestris

Caryophyllaceae

Nom en français : Minuartie des rochers.

Descripcioun :
Lineto renadivo que trachis dins li relarg roucaious d'auto mountagno, pulèu sus cauquié. Rebalo au sòu, li flour soun souleto o groupado pèr dos sus de pecou glandoulous. Li sepalo soun un pau mens longo que li petalo e s'atrovon de la meme loungour que lou fru. Èi la souleto Minuartia emé de fueio en lanço. La subsp. clementei fai de flour un pau mai grosso e de fueio pus estrecho .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. La planto es aparado.

Port : Erbo
Taio : 1 à 5 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 9 mm
Flourido : Estiéu

Sòu : Ca
Autour basso e auto : 1700 à 3000 m
Aparado : Vo
Remarco : Meno aparado
Juliet à avoust

Liò : Roucas - Esboudèu - Tepiero roucaiouso - Roubino de mountagno
Estànci : Subaupen
Couroulougi : Ouroufito-Aupenco
Ref. sc. : Minuartia rupestris subsp. rupestris (Scop.) Schinz & Thell., 1907

Pin(-de-mountagno)

Pinus mugo subsp. mugo

Pinaceae

Noms en français : Pin de montagne, Pin couché.

Descripcioun :
Lou pin-de-mountagno, Pinus mugo subsp. mugo, rebalo au sòu e fai raramen mai de 2 m d'aut. Trachis dins quàuqui relarg secarous dis Aup Marino e dis Autis Aup souvènt sus li cresten. Se destrìo dóu pin-à-crouchet que justamen lis escaumo an quàsi ges de crouchet.

Usanço :
Li jóuini brout podon servi à faire de sirop e d'aigardent. Lou cor dóu bos servié à passa tèms de faire de tié (vèire à Pin-gavot) pèr s'esclara.